Sumqayıtda gənc rəssamların əsərlərindən ibarət dərgi çap olunacaq

815

Yaxın günlərdə Sumqayıtda Azərbaycan Respublikasının Prezidenti yanında Gənclər Fondu tərəfindən dəstəklənən “Rənglərin dili ilə” gənc rəssamlara dəstək layihəsi çərçivəsində gənc rəssamların rəsm əsərlərindən və bioqrafiyalarından ibarət dərgi çap olunacaq.

Layihənin icraçısı Vüsal Məmmədov bildirib ki, bu layihə iki istiqaməti əhatə edir: “Birinci istiqamət gənc rəssamların sərgisinin təşkili, ikinci istiqamət isə həmin rəssamların əsərlərinin və bioqrafiyalarının toplandığı nəfis dərginin çapını nəzərdə tutur. Ötən ay Sumqayıt Rəsm Qalereyasında gənc rəssamların əsərlərinin sərgisi təşkil edildi. Dərgi də artıq çapa hazırdır, mətbəə prosesi bitdikdən sonra 3000 tiraj şəhərin idarə və müəssisələrinə, şəhər ictimaiyyətinə pulsuz olaraq paylanacaq”.

Qeyd edək ki, layihənin məqsədi gənc rəssamların istedadlarının üzə çıxarılması, onların yaradıcılıqlarının ictimailəşdirilərək stimullaşdırılması və rəssamlıq sənətinin inkişafına fayda verməkdir.

www.sumqayitxeber.com

Kateqoriyalar:
Etiketlər:
Şərhlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər