Sumqayıt şəhərinin bəzi küçə və prospektlərində yol nişanlarının yenilənməsi və mövcud çatışmazlıqların aradan qaldırılması istiqamətində işlər davam etdirilir.
Baş Dövlət Yol Polisi İdarəsinin (BDYPİ) “Siqnal” İxtisaslaşdırılmış Layihə İstehsalat İdarəsinin əməkdaşları tərəfindən şəhər ərazisində küçə və prospektlərdə yol nişanları ilə bağlı müvafiq tədbirlər görülüb.
İşlər daxil olan vətəndaş müraciətləri, eyni zamanda, yol polisi əməkdaşları tərəfindən aparılan təhlillərlə müəyyən edilən ünvanlarda həyata keçirilir. Məqsəd avtonəqliyyat vasitələrinin təhlükəsiz və nizamlı şəkildə hərəkətini təmin etmək, həmçinin hərəkət iştirakçılarının məlumatlandırılmasıdır.