Bu il 138-ci teatr mövsümünün açılışı Sumqayıt Dövlət Musiqili Dram Teatrının qarşısındakı meydanda olacaq. Bu barədə APA-ya Mədəniyyət və Turizm Nazirliyindən məlumat verilib.
Açılış mərasiminin hər il olduğu kimi, sentyabrın 15-də keçirilməsi nəzərdə tutulur. Teatrın qarşısında Azərbaycan teatrlarının yaradıcı kollektivlərinin ifasında tamaşalardan fraqmentlər nümayiş etdiriləcək.
Teatr Muzeyi və M. F. Axundov adına Milli Kitabxananın Azərbaycan teatrına həsr olunmuş sərgisi də keçiriləcək.