Ermənistan Silahlı Qüvvələri diversiya-kəşfiyyat qrupunun əsir götürülmüş komandirinin videomüraciəti yayılıb.
APA-nın məlumatına görə, avqustun 23-də cəbhənin Goranboy rayonu istiqamətində təxribat törətməyə cəhd göstərərkən əsir götürülmüş Qurqen Alaverdyan videoda harada anadan olması, hərbi xidməti barədə məlumat verir.
O, Kəlbəcər rayonunda xidmət etdiyini, Goranboy rayonu istiqamətində Azərbaycan Ordusuna qarşı diversiya törətmək tapşırığını aldığını bildirib.