“Hazırda Sumqayıt şəhərində elektrik enerjisinin verilməsində heç bir problem yoxdur”
Bu barədə sumqayitxeber.com-a “Azərişıq”-dan məlumat verilib.
“Sumqayıt şəhərində istehlakçıların dayanıqlı, fasiləsiz və keyfiyyətli elektrik enerjisi ilə təchiz edilməsi, həmçinin istismar müddətini başa vurmuş elektrik şəbəkələrində texniki itkilərin aradan qaldırılması məqsədilə genişmiqyaslı təmir-tikinti və yenidənqurma işləri həyata keçirilir.
Son günlər əsən güclü küləklər şəhər kənarı bəzi yaşayış massivlərində elektrik şəbəkəsinə ziyan vurub, elektrik xətlərində qırılma halları baş verib. “Lakin “Azərişıq” ASC-nin əməkdaşları qısa müddət ərzində bu qəzaları aradan qaldırıblar və abonentlərə elektrik enerjisinin verilməsini operativ olaraq bərpa ediblər. Hazırda Sumqayıt şəhərində elektrik enerjisinin verilməsində heç bir problem yoxdur. “