Cəlilabad rayonuna ilk qar yağıb.
Report-un məlumatına görə, qar rayonun, əsasən, dağlıq kəndlərinə yağıb.
Belə ki, Xanəgah, Pərdi, Kövuzbulaq, Zəhmətabad, Musalı, Ləkin, Əsədli, Badamağacı, Şatırlı və Buravar kəndlərində yağan qarın hündürlüyü 5-10 sm-ə çatıb.
Hazırda bu kəndlərdə şaxtalı hava şəraiti müşahidə olunur.
Qeyd edək ki, ötən il Cəlilabad rayonuna ilk qar noyabr ayında yağmışdı.
