Cey Lo, Beyons, Riz Uizerspun, Skarlett Yohansson, Mişel Uilyams və bir çox məşhurların həkim dermatoloq-kosmetoloqu Harold Lanser üz, bədən və dəriyə qulluq üçün unikal məsləhətlər verib.
Publika.az xarici mətbuata istinadən oxucuları bu məsləhətlərlə tanış edib. Kosmetoloqun sözlərinə görə, tövsiyələri təbii gözəlliyini qoruyub saxlamağa kömək edir.
1. 60 saniyə
Nəmləndirici vasitəni üzünüzü yuduqdan dərhal sonra sürtün. Artıq 60 saniyədən sonra su üzdə quruyur və nazik təbəqə yaradır. Bu zaman krem dəriyə hopmayacaq, sürüşəcək və dəri nəmi itirməyə başlayacaq.
2. Epilyasiyadan əvvəl içki içməyin
Qəribə səslənir, amma bu, illərin sınanmış təcrübəsidir. Əgər salona baş çəkməzdən əvvəl bir qədəh şərab və ya kokteyl içsəniz, proses daha ağrılı və az səmərəli olacaq.
3. Dişlərinizi sıxmayın
Çənənizi qeyri-ixtiyari sıxaraq, özünüzə bir neçə zərər verirsiniz: həm diş minasını korlayır, həm ağız guşələrinin kənarlarında qırışlar əmələ gəlir, həm də zamanla üzün oval forması pozulur. Əgər siz yuxuda dişlərini qıcırdatırsınızsa, dişlərinizə boksçulara xas xüsusi yumşaq silikon qapaq qoyun. Tədricən vərdiş yox olur!
4. Saçları çimməzdən əvvəl isladın
Dənizə baş vurmazdan və ya hovuza tullanmazdan əvvəl saçlarınızı içməli su ilə isladın. O saçların arasındakı boşluğu dolduracaq, duz və ya xlor artıq oraya daxil ola bilməyəcək.
5. Xama kremdən effektlidir
Xamanın tərkibində dərini yumşaltmaq və sərinləşdirmək üçün kifayət qədər yağ və turş süd komponentləri var. Xamanı çəkib 20 dəqiqə saxlayın, soyuq və ya sərin su ilə yuyun.
6. Pambıq disklər almayın
Əgər siz tonal kremi barmaqlarınızla (nahaq yerə, ən yaxşısı budur) vurmaq istəmirsinizsə, ya sıx fırça, ya da nəm süngər istifadə edin. Eyni qayda tonik üçün də keçərlidir. Ovcunuza bir damcı tonik əlavə edib üzünüzü silin. Pambıq məhsulunu özünə çəkir. Beləliklə də kremi boş yerə xərcləyirsiniz.
7. Baza olaraq praymer istifadə edin
Neytral kimyəvi quruluşa malik olan baza tonal kremin üzü qurutmasının və donuqlaşdırmasının qarşısını alacaq. Əgər dəri yağlıdırsa, praymer məsamələrin tonal kremlə dolmasına imkan verməyəcək və sızanaqların yaranma riski az olacaq.
8. Kəpəyə qarşı şampunla yuyun
Əlbəttə ki, həmişə yox. Əgər üzünüzdə qəfil qıcıqlanma və qaşıntı hiss etsəniz və əlinizin altında xüsusi dərman olmasa, kəpəyə qarşı saç şampununu yoxlayın. Onu hər yerdə tapmaq mümkündür! Tərkibində sink pirition maddə iltihab əleyhinə əla vasitədir.
9. Saçınızı soda ilə yuyun
Əgər axşam toyda olmusunuzsa, muss və ya lak kimi saçdan çətin yuyulan məhsullar istifadə etmisinizsə, onları təmizləmək üçün soda yetərli ola bilər. Adi şampuna bir çay qaşığı qida sodası əlavə edin: O mussla lak qalıqlarını tamamilə uzaqlaşdırmağa kömək edəcək və saçların canlılığını geri qaytaracaq.
10. Səhər yeməyinə qədər dişləri yuyun
Yuxudan oyananda dişlərinizi yumasınız, onda səhər yeməyi zamanı gecə ərzində dişləriniz yığılıb qalan bakteriyalarla yemək artıqları mədənizə gedəcək. Diqqət yetirdim ki, səhər yeməyindən qabaq dişlərini yuyan xəstələrimin dərisi daha yaxşı görünür.
11. Otaq temperaturunda olan su
Duş qəbul edib bir az isti su için. Dəriniz buna görə sizə sağ ol deyəcək. İnanın.
12. SPF tərkibli tonal kremlər almayın
Əgər gündəlik kreminiz SPF tərkiblidirsə, tonal kremin də eyni təsirə malik olması vacib deyil. Çünki SPF tonal kremin teksturasını daha qalın edir. Bu isə dəri üçün yükdür. İdeal varinat: BB və CC kremləridir.
13. Hindqozu yağı alın
Bu, bədən üçün ən yaxşı krem, üz üçün ideal maska və saçlar üçün əla vasitədir!
15.Dəriyə istirahət verin
Bəzi günlər dəriyə istirahət verib sadəcə makiyaj etməməyi nəzərdə tutmuram. Dəri sağlamlığı üçün qidalanma, nəmləndirmə və günəşdən qorunmaq vacib şərtdir. Heç olmasa həftədə bir dəfə.
Aytən