Bu il 60 illik yubileyini qeyd edən Sumqayıt Dövlət Universiteti qabaqcıl beynəlxalq təcrübədən və 60 illik zəngin ənənələrindən faydalanaraq uğurlu addımlar atır.
Sumqayıt Dövlət Universitetinin Beynəlxalq standartlara cavab verən, innovativ, reytinqli, yüksəkixtisaslı kadrlara malik olan universitetə çevrilmək, dünya reytinq cədvəllərinə daxil olmaq və beynəlxalq universitet statusuna sahib olmağı qarşıya hədəf qoyub. Eyni zamanda, aparıcı xarici təhsil müəssisələri ilə əlaqələrin genişləndirilməsi, beynəlxalq ikili diplom proqramlarının həyata keçirilməsi də sas məqsədlərdəndir.
Sumqayıt Dövlət Universiteti ötən dövr ərzində beynəlxalq təhsil məkanına inteqrasiya, təhsil sisteminin modernləşdirilməsi, beynəlxalq əlaqələrin daha da genişləndirilməsi istiqamətdində mühüm layihələr həyata keçirib.
SDU beynəlxalq proqramlar çərçivəsində qardaş Türkiyə universitetləri ilə də əməkdaşlıq edərək, beynəxalq əlaqələrini ugurla davam etdirir. Həyata keçirilən uğurlu layihələr, görülmüş işlər Sumqayıt Dövlət Universitetini cəlbedici edir.
Sumqayıt Dövlət Universitetinin 60 illik yubileyi ilə bağlı Türkiyədə hazırlanmış təbrik videosunu təqdim edirik: