Bu gün futbol üzrə Azərbaycan Kubokunda 1/4 final mərhələsinin ilk oyunlarına yekun vurulacaq.
Ötən mövsümün finalçısı “Sumqayıt”la “Qəbələ” arasında olacaq. “Kapital Bank Arena”dakı qarşılaşma saat 19:15-də start götürəcək. Matçın baş hakimi FIFA referisi Rauf Cabbarov olacaq.
Azərbaycan Kubokunda indiyədək yalnız bir dəfə üz-üzə gələn rəqiblər 2018/2019 mövsümündə finalda görüşüb. Həmin matçda “Qəbələ” bir qolla qalib gəlib.