“Sumqayıt” tarixinin ən böyükhesablı qələbəsini qazanıb.
“Report” Peşəkar Futbol Liqasının rəsmi saytına istinadən xəbər verir ki, Samir Abasovun baş məşqçisi olduğu komanda buna Azərbaycan kubokunun II təsnifat mərhələsində imza atıb.
“Gənclik şəhəri” təmsilçisi “Lerik”lə səfər görüşündə 6:0 hesablı qələbə qazanıb. Bu, 2010-cu ildə yaradılan klubun tarixində 6 top fərqi ilə ilk qələbədir.
“Sumqayıt” bunadək ən böyük qələbəsini Premyer Liqada əldə edib. “Gənclik şəhəri” təmsilçisi 2022-ci il mayın 21-də, “Səbail”lə ev görüşündə 5 cavabsız qolla qalib gəlib.
Müzakirə qapadılmışdır.