Sumqayıtda xəsarətlə nəticələnən yol-nəqliyyat hadisəsi baş verib.
ONA-nın yerli bürosunun məlumatına görə, qəza şəhərin Bakı küçəsində, Sumqayıt Dövlət Universitetinin yaxınlığında qeydə alınıb.
Belə ki, iki minik avtomobili toqquşub və nəticədə 1948-ci il təvəllüdlü Gülzar Cavadova və 1976-cı il təvəllüdlü Nizami Əliyev müxtəlif dərəcəli xəsarət alıblar.
Yaralılar dərhal xəstəxanaya aparılıb və onlara tibbi yardım göstərilib.
Faktla bağlı araşdırma aparılır.