Sumqayıt şəhərində üç avtomobilin toqquşması ilə nəticələnən yol-nəqliyyat hadisəsi baş verib.
“Report”un məlumatına görə, yol qəzası şəhərin Sülh küçəsində qeydə alınıb.
Belə ki, 90-TX-602 dövlət nömrə nişanlı “Peugeot” markalı avtomobil 50-CE-281 dövlət nömrə nişanlı “Mercedes” markalı avtomobili arxadan vurub, sonuncu isə qarşısında dayanan 50-DM-867 dövlət nömrə nişanlı “Nissan” markalı avtomobillə çırpılıb.
Hadisə nəticəsində xəsarət alan olmasa da hər üç avtomobilə ziyan dəyib.
Qəza yerinə DYP əməkdaşları və təxliyə maşını cəlb edilib.