“Azərikimya” İB-nin akt zalında Birliyin idarə və müəssisələrində çalışan gənclərlə görüş keçirilib.
YAP Sumqayıt şəhər təşkilatı ilə birgə planlaşdırılan tədbiri giriş sözü ilə açan “Azərikimya” İB-nin Müşahidə Şurasının sədri, Milli Məclisin deputatı Muxtar Babayev gəncləri salamlamış, tədbirin məqsəd və qayəsi haqqında geniş məlumat verib.
Sonra Milli Məclisin deputatı Tahir Mirkişili respublikamızdakı iqtisadi vəziyyətlə bağlı geniş söhbət açmış, görülən işlərdən, həyata keçirilən tədbirlərdən danışmış, son bir ay ərzində respublika Prezidenti cənab İlham Əliyevin bu istiqamətdə qəbul etdiyi qərarları, imzaladığı fərman və sərəncamları şərh edib.
Tədbir boyu Muxtar Babayev, Tahir Mirkişili, YAP Sumqayıt şəhər təşkilatının sədri Asif İmaməliyev, uzun illər Sumqayıt şəhər Gənclər və İdman Baş İdarəsinin rəisi vəzifəsində çalışmış, hazırda şəhər Bələdiyyəsinin sədr müaviniMusa Həsənov, Sumqayıt şəhər Təcili Tibbi Yardım Xəstəxanasının şöbə müdiri Cəbrayıl Əlinağıyev gənclərin bir sıra suallarını cavablandırıb, onları düşündürən məsələlərə öz münasibətlərini bildiriblər.
Tədbirdə Sumqayıt şəhər İcra Hakimiyyətinin məsul işçiləri və KİV nümayəndələri də iştirak ediblər.

www.sumqayitxeber.com