Rusiya vətəndaşından külli miqdarda pul oğurlayan şəxslər yaxalanıb. Daxili İşlər Nazirliyinin mətbuat xidmətindən verilən məlumata görə, bu, Nazirliyin Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində mümkün olub.
Cari il iyul ayının 11-də Rusiya Federasiyasının vətəndaşı Axmed Alqasanova məxsus 20.300.000 rus rublunu (535 min 920 Azərbaycan manatı) oğurlamaqda şübhəli bilinən Sumqayıt şəhəri 12-ci mikrorayondakı yataqxanada qeydiyyatda olan, əvvəllər məhkum olunmuş Hümmət Məmmədov və onun oğlu Ruslan tutularaq məsuliyyətə cəlb olunublar.
Hazırda faktla bağlı müvafiq araşdırmalar aparılır.