İki ölkə arasında münasibətlər 1993-cü il oktyabrında, Ermənistan Azərbaycan münaqişəsinin qızğın vaxtında qurulub. Braziliya həmin vaxt Birləşmiş Millətlər Təşkilatının Təhlükəsizlik Şurasının qeyri-daimi üzvü kimi fəaliyyət göstərirdi və iki tərəfi atəşkəsə aparan dörd qətnamənin (yekdilliklə təsdiqləndi) qəbul edilməsinə səs verib.
Hazırda Braziliya kosmik sektor, infrastruktur və sosial siyasətlər kimi strateji sahələrdə Azərbaycanla əlaqələri gücləndirmək istəyir.
Bunu səfir Rəşad Novruz Xarici Əlaqələr və Milli Müdafiə Komissiyasında keçirilən görüşdə deyib.
Görüşdə onunla yanaşı iştirak edən Azərbaycan Braziliya parlamentlərarası dostluq qrupunun rəhbəri, deputat Müşfiq Məmmədli və Azərbaycanın Braziliyadakı səfirliyinin müşaviri Fərhad Məmmədov, Braziliya Konqresinin nümayəndələr palatasının xarici əlaqələr və müdafiə məsələləri üzrə daimi komissiyasının sədrinin müavini Flavio Noqiera və Braziliya Konqresinin deputatlar palatasında Azərbaycan Braziliya Dostluq Qrupunun həmsədri, federal deputat Klaudio Kajado müxtəlif mövzuları müzakirə ediblər.
Müşfiq Məmmədlinin sözlərinə görə, “Latın Amerikası kontekstində Braziliya ilə münasibətlər çox xüsusidir. Biz sizin sosial siyasətinizlə tanış olmaq və kosmik əməkdaşlıq kimi mövzularda irəliləmək istəyirik”.
Səfir Rəşad Novruzun sözlərinə görə, “ Əlaqələrin qurulmasından 30 il keçib və kommersiya məsələləri də daxil olmaqla əməkdaşlığı gücləndirməyin vaxtı çatıb ki, gələcək illər daha da məhsuldar olsun. Diplomat həmçinin qeyd edib ki, Qərbi Asiyanın Transqafqaz regionunda strateji mövqedə yerləşən və Xəzər hövzəsində geniş enerji ehtiyatlarına malik Azərbaycan Braziliyanın regiondakı maraqları üçün unikal tərəfdaş ola bilər.
“Coğrafi mövqeyinə görə Azərbaycan Avropa və Asiya arasında tranzit nöqtəsi kimi əsas rol oynayır ki, bu da Braziliya və iki qitədə danışıqlar aparan logistika şirkətləri tərəfindən daha yaxşı istifadə edilməlidir”, – deyə Klaudio Kajado vurğulayıb.
Nümayəndə Flávio Nogueira Azərbaycanla münasibətdə son dərəcə peşəkar diplomatiyamız məhsullarımız üçün bazarlar açmaqla yanaşı, ölkəni dialoqa və münaqişələrin sülh yolu ilə həllinə doğru aparıb”
Qeyd edək ki, bu məlumat Braziliya parlamentinin saytında, eləcədə, bir neçə mətbu orqanda yayımlanıb.
Müzakirə qapadılmışdır.