İyun ayının 25-i ər evindən yoxa çıxan 26 yaşlı Əliyeva Aysel Tahir qızı axtarılır.
Minval.info xəbər verir ki, iki uşaq anası olan Ayseli qayınanası tapmaq üçün “Səni axtarıram”a üz tutub.
Qaynana “Aysel 7 il idi evimdə gəlin idi. Bir-birini istəyib, ailə qurublar. Oğluma deyir ki, “Mən səninlə uyğunlaşa bilmirəm. Sən mənim istədiyim kişi deyilsən”. Bir ildir oğlumu otağa buraxmır. Girir içəri, qapını bağlayır. Nəvələrimi də mənə saatla göstərir” deyib.
Efirə çıxıb, nəvələrini tələb edən nənə, deyib ki, gəlini qonşuları ilə qaçıb: “Gecə saat 1 də evdən qonşu ilə birlikdə qaçıb. Sonra həmin oğlan bizə dedi ki, guya onun məsələyə dəxlisi yoxdur. Sadəcə qıza yerləşməyə kömək edib. Gecə 1-də sən haradan bilirdin ki, Aysel evdən qaçacaq?”
Məqsədi nəvələrinə qovuşmaq olduğunu deyən qayınananın şok iddiaları videoda: