Bu gün səhər saat 8 radələrində Bakı-Sumqayıt yolunda yağışlı hava şəraitində 525 saylı marşrut xəttinə məxsus olan sərnişin avtobusu “Hyundai” markalı digər avtobusla toqquşub.
Bu barədə APA -ya “Faiq Xaliqoğlu” MMC-dən bildirilib. Qeyd olunub ki, yolun sürüşkən olması səbəbindən “Hyundai” markalı avtobus daha sonra 199 saylı xətt üzrə hərəkət edən digər avtobusa dəyib.
Hadisə zamanı xəsarət alan olmayıb və nəqliyyat vasitələrinə yüngül ziyan dəyib.
08:29
Bakı-Sumqayıt yolunda avtomobil qəzası baş verib.
APA -nın xəbərinə görə, qəzada 199 nömrəli marşrut avtobusu digər sərnişin avtobusu ilə toqquşub, xəsarət alanlar var.
Yol-nəqliyyat hadisəsi nəticəsində yolda tıxac yaranıb.

www.sumqayitxeber.com