Sumqayıt şəhərində hündürlükdən yıxılan 4 yaşlı uşaq sağ qalıb. Bu barədə APA-ya Sumqayıt şəhər Polis İdarəsindən məlumat verilib.
Hadisə Sumqayıtın 26-cı məhəlləsində qeydə alınıb. Həmin ünvanda yerləşən çoxmərtəbəli yaşayış binasının 3-cü mərtəbəsində yaşayan, 2006-cı il təvəllüdlü Zəhra Ağayeva ehtiyatsızlıqdan mənzilin eyvanından yıxılıb. O, təcilli Sumqayıt şəhər Təcilli Tibbi Yardım Xəstəxanasına yerləşdirilib. Hazırda uşağın vəziyyəti normal qiymətləndirilir.
Faktla bağlı Sumqayıt şəhər Prokurorluğu tərəfindən araşdırma aparılır.

www.sumqayitxeber.com