Tədbirdə Sumqayıt şəhər İcra Hakimiyyəti başçısının birinci müavini Teymur Səmədov, Abşeron-Xızı Regional Təhsil İdarəsinin Sumqayıt şəhər təhsil sektorun müdiri İman Ağayev, şəhər ictimaiyyətinin nümayəndələri və məktəbin kollektivi iştirak edib.

Tədbirdə çıxış edən Teymur Səmədov Məhəmməd Vəliyevin təhsil sahəsindəki xidmətləri yalnız Sumqayıt üçün deyil, bütövlükdə Azərbaycan təhsil sistemi üçün də əhəmiyyətli olduğunu qeyd edib.

Vurğulanıb ki, Məhəmməd Vəliyev 1968-ci ildə pedoqoji fəaliyyətlə başlayıb və 1981-1984-cü illərdə 26, 1987-2008-ci illərdə isə 33 nömrəli məktəbdə direktor vəzifəsində çalışıb. 10-dan çox kitab müəllifi olan Məhəmməd Vəliyev təhsil sahəsindəki xidmətlərinə görə müxtəlif mükafatlara layiq görülüb.

Məhəmməd Vəliyev bu gün də Sumqayıt şəhər İcra Hakimiyyəti yanında İctimai Şuranın üzvü kimi şəhərin icitimai həyatında fəal iştirak edir.

Tədbirdə yubiliyara Sumqayıt Şəhər İcra HakimiyyətininFəxri Fərmanı təqdim olunub.