Moskvada Azərbaycan Prezidenti İlham Əliyev və Rusiya Prezidenti Vladimir Putin arasında müttəfiqlik fəaliyyəti haqqında Bəyannamənin imzalanması ilə regionda yeni dönəmin başladığını əminliklə söyləmək olar.
Bu fikirləri Milli Məclisin deputatı Müşfiq Məmmədli deyib.
Onun sözlərinə görə, sözügedən sənəd hər iki dövlət arasında mədəni, iqtisadi, siyasi əlaqələrin ən üst səviyyədə olduğunu bir daha sübut edir. Bəyannamə bundan sonra regionda sülhün, əmin-amanlığın, təhlükəsiz həyatın qarantı kimi vacib sənəddir. Ona görə də imzalanan sənəd Azərbaycan diplomatiyasının növbəti böyük uğuru kimi qiymətləndirilməlidir.