19 yanvar 2013-cü il tarixində 43 saylı Sumqayıt üçüncü seçki dairəsindən Azərbaycan Respublikasının Milli Məclisinə deputat seçilmiş Muxtar Babayevin Sumqayıt şəhəri 9, 10 və 12-ci mikrorayon ərazisində yaşayan seçicilər ilə növbəti görüşü olmuşdur.
sumqayitxeber.com saytının verdiyi məlumata görə görüş zamanı Millət vəkili seçicilərin çoxsaylı müraciətlərini diqqətlə dinləmiş və qaldırılan problemlərin həlli ilə bağlı öz fikirlərini bildirmişdir.
Millət vəkili ölkə Prezidenti Respublikada apardığı sosial, iqtisadi, təhsil, idman, səhiyyə və sair sahələrdə gördüyü işlərdən, ölkəmizdə aparılan abadlıq və bərpa işlərindən geniş danışmışdır.
Daha sonra Millət vəkili seçicilər ilə birgə həmin mikrorayon ərazisində torpaqlarımızın müdafiəsi uğrunda həlak olmuş şəhidlərimizin abidə-komplekslərini ziyarət etmiş, şəhidlərimizin ruhunu böyük ehtiramla yad edərək, onların xatirə abidələrinin qarşısına gül dəstələri düzmüş və ailə üzvləri ilə görüşmüşdür.
Qarşılıqlı hörmət və anlaşma şəraitində keçən görüşdə seçicilər diqqət və qayğıya görə ölkə rəhbərliyinə minnətdarlıqlarını bildirmişlər.