Sumqayıtda şəhərində küçə və yolların əsaslı təmiri istiqamətində işlər tərtib olunmuş tədbirlər planına əsasən davam etdirilir.

Sumqayıt şəhər İcra hakimiyyətinin başçısının müavini T.Hacıyevin verdiyi məlumata əsasən cari ilin yaz-yay mövsümü ərzində aparılan əsaslı təmir işləri nəticəsində Corat və Hacı Zeynalabdin qəsəbələri ərazisində bütün əsas yollara yeni asfalt örtüyü qoyulmuşdur. İyul ayı ərzində 4-cü, 9-cu və 10-cu mikrorayonlar daxilində yollara asfalt döşənmişdir. Hazırda yolların təmiri 12-ci mikrorayon ərazisində aparılır və ötən həftə ərzində 1500 kvadrat metrlik sahədə təmir işləri yekunlaşdırılıb. Qrafikə əsasən asfalt qoyuluşu bu həftədən etibarən 2-ci mikrorayonda davam etdiriləcək. Planda həmçinin 1-ci, 5-ci, 17-ci mikrorayonlarda, 5-ci məhəllə ərazisində avtomobil və piyada yollarının təmiri nəzərdə tutulub.

www.sumqayitxeber.com