Milli Məclisin İqtisadi siyasət, sahibkarlıq və sənaye komitəsinin iclası keçirilir. İclasda “Dövlət-özəl tərəfdaşlığı haqqında” yeni qanun layihəsi müzakirəyə çıxarılıb.
Modern.az xəbər verir ki, komitə sədri Tahir Mirkişili iclası açıq elan edərək, Azərbaycan iqtisadiyyatının inkşafına nəzər salıb.
Onun sözlərinə görə, son illərdə iqtisadiyyatın inkişafında irəliləyiş var:
“Son 5 ildə Azərbaycanda iqtisadi şəffaflaşma artıb. Bununla bərabər 2026-cı ildə özəl sektorun payı 88 faizə çatdırılacaq. Bunun üçün imkanlar var. Eyni zamanda, biz qeyri-neft sahəsinə nəzər yetirməliyik. Ötən il Azərbaycanda qeyri-neft sahəsi 44,6 faizə çatıb”.