Bu gün Bakı Ağır Cinayətlər Məhkəməsində qətl törətməkdə təqsirləndirilən 1982-ci il təvəllüldü Ramin Şükürovun cinayət işi üzrə məhkəmə iclası başlayıb.
sumqayitxeber.com “Report”a istinadən xəbərinə görə, hakim Eldar İsmayılovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmənin baxış iclası noyabrın 28-nə təyin edilib.
Qeyd edək ki, qətl hadisəsi Sumqayıt şəhərinin Corat qəsəbəsində baş verib. Şəhər sakini 35 yaşlı R.Şükürov keçmiş həyat yoldaşı Xəyalə Həsənovaya 17 bıçaq zərbəsi endirib.
Yaralı çoxsaylı bıçaq xəsarətləri ilə Sumqayıt şəhər Təcili Tibbi Yardım Xəstəxanasına çatdırılıb. Reanimasiya şöbəsinə yerləşdirilən qadının həyatını xilas etmək mümkün olmayıb.
İlkin araşdırmadan sonra qadının bir müddət əvvəl boşandığı və R.Şükürovla aralarında uzun müddətdir mübahisənin olduğu məlum olub.
Hadisəni törədən Ramil Şükürov könüllü olaraq polis idarəsinə gəlib və hər şeyi etiraf edib.

www.sumqayitxeber.com