Sumqayıt Gənclər evində şəhərin cəmiyyət və klublarının cüdo bölmələrinin məşqçi-müəllimləri, müəssisə və təşkilatların rəhbərlərinin yığıncağı keçirilmişdir. Tədbirin məqsədi cari ilin aprel ayında Bakı şəhərində keçirilmiş cüdo üzrə kiçik yaşlı yeniyetmələr arsında Azərbaycan çempionatında əldə olunmuş nailiyyətlərin təhlili, qarşıda duran müxtəlif problemlərin həlli və aradan qaldırılması idi. Geniş müzakirələr aparıldıqdan sonra şəhərin bu idman növündə inkişafı və perespektivli idmançıların üzərə çıxarılması məqsədilə bir neçə vacib qərarlar qəbul oundu. Toplantıda qəbul olunmuş qərərlar hər biri öz növbəsində şəhər cüdoçuların daha da yaxşı şəraitdə məşqlərin keçirilməsinə və yeni cavan nəsildən olan məşqçi-müəllimlərin şəhər yığma komandasına cəlb olunması ilə nəticələndi. Sumqayıt şəhər Gənclər və İdman Baş İdarəsinin rəisi Elgün Hümbərov tədbirdə iştirak etmiş və öz tövsiyyə və tapşırıqlarını məşqçi-müəllimlərə bildirmişdir. Sonda Baş idarənin rəisi tədbir iştirakçılarına işlərində uğurlar arzuladı və qarşıdan gələn yarışlarda daha da yüksək nəticələrin əldə olunacağına inandığını bildirdi.