Sumqayıtda Abşeron – Xızı Regional Təhsil İdarəsinin Sumqayıt Təhsil Şöbəsi, Diskussiya klubu və QAC Sumqayıt şəhər bölməsinin birgə təşkilatcılığı ilə şəhid və qazi övladlarının iştirakı ilə tədbir keçirilib.
Ttədbir Vətənimizin bütövlüyü uğrunda şəhid olan qəhrəmanların əziz xatirəsinin bir dəqiqəlik sükutla yad edilməsi ilə başlayıb.
Çıxışlarda 44 günlük Vətən müharibəsində Müzəffər Ali Baş Komandan İlham Əliyevin rəhbərliyi ilə şanlı Ordumuzun əldə etdiyi Zəfərin xalqımıza yaşatdığı əvəzsiz sevinc və qürur hissindən, şəhidlərimizin və qazilərimizin qəhrəmanlıqlarından söz açılıb, şəhid və qazi ailələrinin hər zaman diqqət mərkəzində saxlanıldığı, onların problemlərinin həlli istiqamətində mühüm addımlar atıldığı bildirilib.
Qızıl Aypara Cəmiyyətinin Sumqayıt şəhər bölməsinin həyata keçirdiyi “Mərhəmətli olaq” aksiyası çərçivəsində şəhid və qazi ailələrinin övladlarına isti qış geyimləri paylanılıb.
Daha sonra Yeni il bayramın ənənəvi personajları – Şaxta baba və Qar qız şənliyə qatılaraq uşaqları təbrik edib, balacalara bayram hədiyyələri paylayıb və onlarla birgə rəqs edərək tədbirə əlavə rəng qatıblar.
