“Mənə yüksək etimat göstərdiyinə görə möhtərəm Prezident İlham Əliyevə öz dərin təşəkkürümü buldirirəm”.
Modern.az xəbər verir ki, bunu Azərbaycanın yeni Baş prokuroru Kamran Əliyev Milli Məclisin bu gün keçirilən iclasında deyib.
K.Əliyev bildirib ki, Azərbaycan müstəqillik illərində çətin və şərəfli inkişaf yolu keçib.
O qeyd edib ki, ulu öndər Heydər Əliyevin müdrik və uzaqgörən siyasəti nəticəsində ölkəmiz ağır vəziyyətdən çıxaraq inkişaf yoluna qədəm qoyub.
K.Əliyev bildirib ki, cənab Prezident İlham Əliyevin həyata keçirdiyi mütərəqqi daxili və xarici siyasəti nəticəsində Azərbaycan dünyada qabaqcıl mövqelərdən birini tutub. O əlavə edib ki, Prezident İlham Əliyevin qəti siyasəti nəticəsində koronavirusla mübarizə istiqamətində həyata keçirilən tədbirlər öz nəticəsini verib, əhali və sahibkarlıq subyektləri tam olaraq dövlət dəstəyi ilə əhatə olunub.