Bu zavod əvvəllər “Azərkimya” İstehsalat Birliyinə məxsus olub, sonradan özəlləşdirilib
Sumqayıtda partlayış baş verən zavod ARDNŞ-in “Azərikimya” İstehsalat Birliyinə məxsus deyil. Bunu “Lent.az”a açıqlamasında ARDNŞ-in mətbuat xidmətinin rəhbəri Nizaməddin Quliyev söyləyib. N. Quliyev bildirib ki, bu zavod əvvəllər “Azərkimya” İstehsalat Birliyinə məxsus olub, sonradan özəlləşdirilib: “Hazırda həmin zavodun ARDNŞ-ə heç bir aidiyyatı yoxdur”.
Qeyd edək ki, bu gün Sumqayıtda zavodların birində güclü partlayış baş verib. Yanacaq çənində baş verən yanğın partlayışa səbəb olub. İlkin məlumata görə, hadisə nəticəsində 6 nəfər ölüb, bir neçə nəfər xəsarət alıb.