Dünən (28 yanvar 2010) saat 18:00 radələrində Müdafiə Nazirliyinin N saylı hərbi hissəsində hələlik səbəbləri tam bəlli olmayan ağır hadisə baş verib.

Müdafiə Nazirliyinin mətbuat xidmətinin yaydığı məlumata görə, iki əsgərin avtomat silahdan açdığı atəş nəticəsində 4 hərbi qulluqçu həlak olub, ikisi isə yaralanıb. Sonra əsgərlər özlərini güllələyərək öldürüblər.

Hadisə ilə əlaqədar cinayət işi qaldırılıb, hazırda araşdırma aparılır. Nazirlik bildirir ki, məsələ ilə bağlı ictimaiyyətə əlavə məlumat veriləcək.

Mənbə: ANSPRESS

www.sumqayitxeber.com