“Sumqayıt Kimya Sənaye Parkında bu il yeni rezidentlərin fəaliyyətə başlaması gözlənilir”.
Oxu.Az-ın məlumatına görə, bunu İqtisadi Zonaların İnkişafı Agentliyinin sədri vəzifələrini icra edən Elşad Nuriyev deyib.
Onun sözlərinə görə, Sumqayıt Kimya Sənaye Parkında rezidentlik statusu almaq üçün 3 şirkət müraciət edib:
“Həmin şirkətlərin ikisi yerli, biri isə Çin kapitallı xarici şirkətdir”.
Xatırladaq ki, Sumqayıt Kimya Sənaye Parkının rezidentləri tərəfindən indiyədək 3 milyard ABŞ dolları həcmində investisiya yatırılıb. Mövcud layihələr üzrə əlavə 312 milyon manat investisiyaların qoyulması və 1300-dək yeni iş yerlərinin yaradılması nəzərdə tutulub.