Novruz bayramı münasibətilə Sumqayıt şəhərində ötən il olduğu kimi kütləvi səhnələşdirilmiş bayram şənliyi keçiriləcək. Şəhərin müxtəlif yerlərində kütləvi tədbirlər təşkil ediləcək.
İlaxır çərşənbə ilə əlaqədar olaraq 16 mart 2010-cu il tarixdə saat 17. 00-da şəhərin 45-ci məhəllə ərazisindəki parkda, saat 18.00-da N.Nərimanov adına Mədəniyyət Sarayı qarşısında və Corat qəsəbəsində bayram proqramları nümayiş olunacaq.
Novruz bayramı münasibətilə isə mart ayının 19-da Hacı Zeynalabdin qəsəbəsində yeni salınmış parkda, 20-də saat 12.00-da Heydər Parkında, eləcə də gün ərzində şəhərin ayrı-ayrı hissələrində – 10, 17, 21-ci mikrorayonlarında bayram şənlikləri təşkil ediləcək, şəhər bütövlükdə bayram ovqatına bürünəcək.