Məlum olduğu kimi “Sumqayıtelektrikşəbəkə” ASC ləğv edilərək “Azərenerji” ASC-yə birləşdirilib. Lakin ləğv edilən “Sumqayıtelektrikşəbəkə”nin işçiləri oktyabr və noyabr aylarının maaşlarını hələ ala bilmədiklərindən narazılıq edirlər.
Bununla bağlı “Azernerji” ASC-nin mətbuat xidmətilə əlaqə saxlayan SİA-nın bölgə müxbirinə bildirilib ki, oktyabr ayının maaşlarını ləğv edilmiş qurum ödəməlidir.
“Sumqayıtelektrikşəbəkə” ASC-nın məsul işçisi Nəriman Canıyev isə məsələyə münasibət bildirərkən deyib ki, “iki həftəyə oktyabr ayının maaşları ödəniləcək, noyabr ayına olan maaş borcunu isə “Azərenerji” ASC həll etməlidir, çünki “Sumqayıtelektrikşəbəkə” noyabrın 1-dən ləğv edilib”.