Çimərlik futbolu üzrə Sumqayıt şəhər birinciliyi başa çatıb. Turnirin finalında «Piksport» və «Sevinc» komandaları qarşılaşıb. 5:3 hesabı ilə qələbə qazanan «Piksport» Sumqayıt şəhər birinciliyinin qalibi olub. Final başa çatdıqdan sonra mükafatlandırma mərasimi keçirilib. Çimərlik Futbol Federasiyasının baş katibi Əli Əliyev qalib komandaya diplom, xatirə medalları və kubok təqdim edib. İkinci və üçüncü yeri tutan komandalar da xatirə medalları və diplomla mükafatlandırılıb.
