Şikayət şəxsin məhkəmə qərarı olmadan həbsdə saxlanılması ilə bağlıdır
Avropa İnsan Hüquqları Məhkəməsi ilə Azərbaycan Hökuməti arasında daha bir iş üzrə kommunikasiya başlayıb. Şikayətçi qismində çıxış edən Sumqayıt şəhər sakini Emil Qafarovun Konvensiyanın 5-ci maddəsinin (azadlıq və toxunulmazlıq hüququ) pozuntusu ilə bağlı qaldırdığı bu şikayəti Demokratiya və İnsan Hüquqları Resurs Mərkəzi (Sumqayıt) hazırlayıb. Bu barədə məlumatı Mərkəzin rəhbəri, vəkil Əsabəli Mustafayev yayıb.