Sumqayıt şəhər Gənclər və İdman Baş İdarəsi 30 may 2013-cü il tarixində Sumqayıt Dövlət Univeristetinin kiçik akt zalında gənclər üçün İnternet jurnalistikası üzrə təlim keçirildi.
Gənclər və İdman Baş İdarəsi Gənclərlə iş sektorunun müdiri Rüstəm Sadıqzadə tədbirin keçirilmə məqsədi barədə iştirakçılara məlumat verib. O, təlimin Azərbaycan Respublikasının Prezidenti İlham Əliyevin 07 iyul 2011-ci il tarixli Sərəncamı ilə təsdiq edilmiş “Azərbaycan gəncliyi 2011-2015-ci illərdə” Dövlət Proqramına müvafiq olaraq keçirildiyini bildirib.
Şəhərin ilk online xəbər saytı olan “sumqayitxeber.com”-un təsisçisi, İnternet jurnalistikası üzrə mütəxəssis Eyvaz Qocayev təlim iştiraçılarına internet jurnalistikası ilə bağlı ətraflı məlumatlar verib, təlim zamanı gəncləri maraqlandıran sualları cavablandırıb.