Yaxın vaxtlarda Sumqayıt və Gəncə şəhərlərindəki binalarda müasir dizayn ilə ünvan lövhələrinin quraşdırılması üzrə işlərə start veriləcək. Trend-in məlumatına görə, bu barədə çərşənbə axşamı jurnalistlərə Əmlak Məsələləri Dövlət Komitəsinin aparat rəhbəri İlqar Həbiyev deyib.
Onun sözlərinə görə, hazırda bu istiqamətdə işlər Bakıda aparılır. Paytaxtda küçələrin sayı 2,5 mini ötür.
“Bakı üzrə işlərin yekunlaşması bu il, digər şəhərlər üzrə isə 2014-cü ilin əvvəlinə gözlənilir”, – Həbiyev bildirib.