Sumqaqyıtda 31 Mart Azərbaycanlıların Soyqırımının 100 illiyi ilə əlaqədar anım tədbiri keçirilib.
Sumqayıt Şəhər Heydər Əliyev Mərkəzində təşkil edilən anım mərasiminin iştirakçıları əvvəlcə mərkəzin foyesində şəhərin Uşaq Yaradıcılıq Mərkəzinin və orta ümumtəhsil məktəb şagirdlərinin “31 mart – azərbaycanlıların soyqırımı: tarixin qanlı salnaməsi” mövzusunda çəkdikləri rəsm işlərinə baxıblar.
Sonra tədbir mərkəzin akt zalında elmi-nəzəri konfransla davam edib.
Sumqayıt Şəhər İcra Hakimiyyəti başçısı Zakir Fərəcovun, Sumqayıt Dövlət Universitetinin rektoru professor Elxan Hüseynovun, hüquq-mühafizə orqanlarının, eləcə də idarə, müəssisə,təşkilat rəhbərlərinin iştirak etdiyi tədbirdə soyqırımı qurbanlarının xatirəsi 1 dəqiqəlik sükütla yad edildikdən sonra 31 mart soyqırımına həsr olunmuş film nümayiş olunub.
Sumqayıt Dövlət Universitetinin tarix və coğrafiya fakultəsinin dekanı, tarixçi professor Adil Baxşəliyev Ermənilər tərəfindən əsrlər boyu xalqımızın başına gətirilən müsibətləri tarixi mənbələrə əsaslanaraq, faktlarla tədbir iştirakçılarının diqqətinə çatdırdı. Universitetin digər professor və müəllimləri çıxışlarda bu qanlı faciənin hərtərəfli tədqiq olunmasının və dünya ictimaiyyətinə çatdırılmasının vacibliyini qeyd ediblər.
Vurğulandı ki, bu istiqamətdə universitetdə təhsil alan əcnəbi tələbələr və əməkdaşlıq edilən xarici universitetlrələ də iş aparılır. Bildirildi ki, 1918 ci ilin mart ayında minlərlə dinc azərbaycanlı əhali yalnız milli mənsubiyyətinə görə ermənilər tərəfindən məhv edilib, evlərə od vurulub, insanlar diri diri yandırılıb. Bakı, Şamaxı, Quba, Qarabağ,
Tədbirdə dünya dövlətlərindən və nüfuzlu beynəlxalq təşkilatlardan Azərbaycanlıların soyqırımına hüquqi və siyasi qiymətin verilməsini tələb edilib.
