Menu
Geri İrəli

Rüşvətxorluqda təqsirləndirilən vəzifəli şəxsə hökm oxundu

Müəllif: sumqayitxeber.com • Tarix: 11 Dekabr 2012 • Baxış sayı: 388 dəfə • 2 şərh
Share Button

Bu gün Bakı Ağır Cinayətlər Məhkəməsində rüşvətxorluqda təqsirləndirilən “Euro-Azia-Az” Məhdud Məsuliyyətli Cəmiyyətinin icraçı direktoru İlqar Yusifov və cəmiyyətin Sumqayıt filialının direktoru Mirqərib Qasımovun cinayət işi üzrə məhkəmə prosesi başa çatıb.

Prosesdə hökm oxunub. Hökmə əsasən, İ. Yusifov 3 il müddətinə azadlıqdan məhrum edilib. M. Qasımov isə 2 il sınaq müddəti təyin edilməklə 8 il 6 ay müddətinə şərti olaraq azadlıqdan məhrum edilib və məhkəmə zalından azadlığa buraxılıb.

Qeyd edək ki, Baş Prokurorluq cinayət işi ilə bağlı rəsmi məlumat yayıb. Məlumatda bildirilib ki, “Euro-Azia-Az” Məhdud Məsuliyyətli Cəmiyyətinin icraçı direktoru İlqar Yusifovun xarici ölkəyə getmək üçün viza alınmasından ötrü müraciət etmiş Bakı şəhər sakinindən rüşvət alması faktına görə baş prokuror yanında Korrupsiyaya qarşı mübarizə idarəsində başlanmış cinayət işi üzrə istintaq tamamlanıb. İstintaqla müəyyən edilib ki, İlqar Yusifov vəzifə səlahiyyətlərindən sui-istifadə edib cəmiyyətin Sumqayıt filialının direktoru Mirqərib Qasımov və qeyriləri ilə cinayət əlaqəsinə girərək viza almaq üçün müraciət etmiş ayrı-ayrı şəxslərdən külli miqdarda rüşvət alıb. İ. Yusifov həmçinin ayrı-ayrı şəxslərin heç bir yerdə işləmədikləri və banklarda şəxsi pul hesablarının olmamasına baxmayaraq, guya onların iş yeri və banklarda şəxsi hesablarının olmasına dair saxta arayışlar hazırlayaraq vəzifə saxtakarlığı törədib.

APA

Facebook Şərhləndirmə:
Share Button

“Rüşvətxorluqda təqsirləndirilən vəzifəli şəxsə hökm oxundu” yazısına 2 cavab

  1. SEVİNC deyir:

    bizdede ganun vrmış ..

  2. Etibar deyir:

    qanun var amma balaca adamlar ucun. hansısa MMC-nin direktorunu tutmaqdansa camaatı soyan məmurları tutsunlar.

Şərhinizi yazın