Menu
Geri İrəli

Sumqayıtda ŞOK OLAY :5-ci mərtəbədən düşən uşağı həkim göydə tutdu – FOTO

Müəllif: sumqayitxeber.com • Tarix: 25 Avqust 2016 • Baxış sayı: 5,525 dəfə • 1 şərh

hekim

 

Bu gün günorta saatlarında Sumqayıt şəhərində qəribə hadisə baş verib.  Təcili Tibbi Yardım stansiyasının həkimi Çiçək Cahangirova 3-cü mikrorayon, ev 11/18-in qarşısından keçərkən qəfildən 5-ci mərtəbədən az yaşlı uşağın yıxıldığını görüb və özünü itirmədən onu göydə tutmağa müvəffəq olub.

 

Hadisəni Lent.az-a danışan Ç.Cahangirova deyib ki, uşaq eyvandan yıxılarkən valideyni evdə yox imiş: “ Biz bildiyimizə görə, valideyn həmin an evdə yox idi. Elə işdən çıxarkən həmin binanın yanından keçirdim. Gördüm ki, binanın 5-ci mərtəbəsində bir uşaq həyəcanla “ Ana! Ana!” deyə qışqırır. Diqqətimi çəkdi. Uşağın yıxılacağını təxmin etdiyim üçün yolu keçib eyvanın düz altında dayandım. Ətrafdakılar, valideynlərini səslədim ki, kimsə köməyə gələ. Uşaq əvvəlcə eyvanlarının küncündən sallanmışdı, sonra yıxılaraq 4-cü mərtəbənin ipindən tutdu. Həmin an valideyn eyvana çıxdı. Qollarımı açıb uşağı tutmaq üçün dayandım. Çox şükür ki, tuta bildim. Hər ikimiz də yerə yıxıldıq, amma heç birimiz xəsarət almamışıq”.

 

Qeyd edək ki, Təcili Tibbi Yardım əməkdaşının xilas etdiyi uşaq 4 yaşlı Cavid olub.

 

Xatırladaq  ki, hadisə ilə bağlı ilk məlumatı manevr.az saytı yaymışdı.

 

Facebook Şərhləndirmə:

“Sumqayıtda ŞOK OLAY :5-ci mərtəbədən düşən uşağı həkim göydə tutdu – FOTO” yazısına bir cavab

  1. Sebire deyir:

    Halaldı Çiçək sənə Sən doğurdanda Təcili yardım həkim adına layiqsənSizin kimilərlə ancaq fəxr etmək olar!

Şərhinizi yazın