Menu
Geri İrəli

Direktorun ölüm işi böyüdü: ““Yoxlama” verilişi məktəbdə icazəsiz çəkiliş aparıb” – RƏSMİ

Müəllif: sumqayitxeber.com • Tarix: 30 Yanvar 2017 • Baxış sayı: 693 dəfə • 1 şərh
Share Button

f1a4661b919c23f14196d09a310d0573Ötən həftə mətbuatın gündəmini zəbt etmiş xəbərlərdən biri də Bakı şəhəri Zaur Məmmədov adına 171 nömrəli tam orta məktəbin direktoru Telman Balasən oğlu Qardaşovun qəflətən ölüm xəbəri oldu.

Belə ki, yanvarın 11-də ATV-nin “Yoxlama” verilişi sözügedən məktəbdə yoxlama aparıb. Məktəb rəhbərliyi buna etirazını bildirib və bəyanat yayıb ki, verilişin nümayəndələri qanunsuz olaraq məktəbə daxil olublar və onlarla kobud davranıblar

ATV telekanalının “Yoxlama” verilişindən sonra çox gərgin olan, stress keçirən direktor yanvarın 26-da saat 11:00 radələrində qəflətən özünü pis hiss edib və təcili tibbi yardımla xəstəxanaya yerləşdirilib.

Direktor yanvarın 27-si səhər saatlarında isə xəstəxanada dünyasını dəyişib.

Bəs məktəb rəhbərliyinin iddiası doğrudurmu, “Yoxlama” verilişinin əməkdaşları məktəbə həqiqətən də icazəsiz gedibmi və ya hansısa məktəbdən reportaj hazırlamaq üçün rəsmi qurumlardan icazə almaq lazımdırmı?

Məsələ ilə bağlı Lent.az-ın sorğusunu cavablandıran Bakı Şəhəri üzrə Təhsil İdarəsindən bildirilib ki, ümumi təhsil müəssisələrində video və foto çəkiliş aparılması, reportaj hazırlanması haqda razılıqların verilməsi “İnformasiya əldə etmək haqqında” Azərbaycan Respublikasının Qanunu ilə tənzimlənir.

Təhsil İdarəsindən bildirilir ki, Bakı şəhəri 171 nömrəli tam orta məktəbdə çəkiliş aparmaq məqsədilə “Yoxlama” verilişinin rəhbərliyi tərəfindən Bakı Şəhəri üzrə Təhsil İdarəsinə heç bir sorğu daxil olmayıb, çəkiliş qrupunun məktəbə daxil olmasına və orada çəkiliş aparmasına müvafiq razılıq alınmayıb.

Qurumdan bildirilib ki, təhsil müəssisələrinin fəaliyyətinə və tədris prosesinə mane olmamaq üçün əvvəlcədən razılaşdırmaqla, peşəkar yanaşma və qarşılıqlı hörmət müstəvisində bütün media təmsilçilərini maraqlandıran məsələlərin işıqlandırılmasına şərait yaradılır: “Odur ki, Azərbaycan Respublikasının Konstitusiyasının, “Təhsil haqqında”, “İnformasiya əldə etmək haqqında”, “Kütləvi İnformasiya Vasitələri haqqında” Azərbaycan Respublikası qanunlarının və Azərbaycan Respublikasının digər müvafiq qanunvericilik aktlarının tələblərinə uyğun olaraq, Kütləvi İnformasiya Vasitələri ilə səmərəli əməkdaşlığa üstünlük verilir”.

Facebook Şərhləndirmə:
Share Button

“Direktorun ölüm işi böyüdü: ““Yoxlama” verilişi məktəbdə icazəsiz çəkiliş aparıb” – RƏSMİ” yazısına bir cavab

  1. Solmaz Cahangirova deyir:

    Məktəblərə yoxlamağa getmək üçün aifiyyati orqanlar var,ustilik sistemi,bufetlərin təminatını niyə yoxlamırlar,Niyə diaqnistik qiymətləndirmədə zəif nəticə göstərın müəllimlər barədə tədbirlər görülmürşbax bunu ATV YOXLASIN

Şərhinizi yazın