Menu
Geri İrəli

Azərbaycan FHN Sumqayıtda baş verən kütləvi zəhərlənmə ilə bağlı məlumat yayıb

Müəllif: sumqayitxeber.com • Tarix: 26 Aprel 2012 • Baxış sayı: 182 dəfə • Şərh yoxdur

SUMQAYITXEBER.COM – un nazirliyin saytına istinadən verdiyi xəbərə görə, aprelin 25-də Sumqayıt şəhərində “Sumqayıt Polad Konstruksiya Quraşdırma” ASC-yə məxsus ərazidə yerləşən kağız emalı sexində zəhərlənmiş 9 nəfərin Sumqayıt Şəhər Təcili Tibbi Yardım Xəstəxanasına yerləşdirilməsi barədə məlumat daxil olub.
Dərhal Fövqəladə Hallar Nazirliyinin Mülki müdafiə qoşunlarının Radiasiya və kimya laboratoriyasının mütəxəssisləri hadisə yerinə cəlb olunub və ilkin kəşfiyyat işləri aparıblar. İlkin kəşfiyyat nəticəsində sexin zəhərlənmə hadisəsi baş verdiyi hissəsində güclü təsiredici zəhərli maddələr aşkar edilib. Hadisə zamanı orada işləyən 1 nəfər – 1985-ci il təvəllüdlü Kamran Ağa oğlu Məlikməmmədov ölüb, 8 nəfər müxtəlif dərəcəli xəsarətlər alıb.
Hadisə ilə əlaqədar Fövqəladə Hallar Nazirliyi və digər aidiyyəti qurumlar tərəfindən araşdırmalar aparılır.

Facebook Şərhləndirmə:

Şərhinizi yazın