Menu
Geri İrəli

“Həyat yoldaşını Sumqayıt qəbristanlığına aparıb…”

Müəllif: sumqayitxeber.com • Tarix: 27 Sentyabr 2014 • Baxış sayı: 875 dəfə • Şərh yoxdur

Tanınmış azərbaycanlı aktrisa Mətanət Eresin bacısı Məlahət Əhmədova “ANS” telekanalını məhkəməyə verib. Məlahət Əhmədova “Qafqazinfo” ya açıqlamasında kanalı məhkəməyə verməsinin səbəbini belə izah edib: 

 79942

“Aprel ayının 14-ü və 15-də “Xəbərçi” proqramınında bacımın yoldaşı və Bəxtiyar Hacıyevlə bağlı yayımlanan süjetdə Mətanətin əvəzinə mənim şəklim verilib. Bu hadisədən sonra ANS rəhbərliyinə müraciət edərək süjetə görə təkzib verilməsini və məndən üzr istənilməsini bildirmişəm. Lakin rəhbərlikdən mənə dedilər ki, təkzib verə bilmərik. Bu, bizim imicimizə zərbə vurar. Necə olur, telekanal öz imicini düşünə bilir, amma mənim şərəf və ləyaqətimi alçaldıldığını nəzərə almır?! Bu səbəbdən may ayında kanalı məhkəməyə vermişəm. Mənə vurduqları maddi və mənəvi ziyan ödənilməlidir. Telekanal məndən üzr istəməlidir”.

Məsələ ilə bağlı “Qafqazinfo” ANS Şirkətlər Qrupunun prezidentinin müşaviri Mais Məmmədovun fikrini öyrənib. O bildirib ki, həmin süjetlə bağlı səhv edildiyi barədə Məlahət xanıma məlumat verilib: “Biz o qadından yanlışlığa görə üzr istəmişik, sözügedən hadisə ilə bağlı efirə material vermişik və həmin süjetdə şəkli də düzəltmişik”.

Xatırladaq ki, gənc fəal Bəxtiyar Hacıyevlə aktrisa Mətanət Eresin həyat yoldaşı Nurettin Eres arasında borr üstündə qalmaqal baş verib. Belə ki, ötən ilin avqust ayında notarial qaydada Nurettin Eres Bəxtiyar Hacıyevdən 30 min manat borc pul götürüb. Borcu ödəməyən iş adamı ilə gənc fəal arasında problem yaşanıb. Nurettin Eresin xanımı iddia edir ki, Bəxtiyar onun həyat yoldaşını Sumqayıt qəbristanlığına aparıb: “Orada isə yoldaşımın əllərini bağlayıblar, bədəninin müxtəlif nayihələrinə xəsarət yetiriblər”.

Günel Türksoy

Facebook Şərhləndirmə:

Şərhinizi yazın