Menu
Geri İrəli

Sumqayıtda kişi arvadını yandırdı

Müəllif: sumqayitxeber.com • Tarix: 28 Sentyabr 2010 • Baxış sayı: 178 dəfə • Şərh yoxdur

O, spirtli içki üçün pul verməyən həyat yoldaşını belə cəzalandırıb

Azərbaycanın Sumqayıt şəhər sakini həyat yoldaşını yandırıb. Bu barədə APA-ya Sumqayıt şəhər Polis İdarəsindən bildirilib.

Hadisə ötən gecə şəhərin 18-ci mikrorayon, ev 1B, mənzil 108 ünvanında qeydə alınıb. Həmin ünvanda yaşayan, 58 yaşlı Tofiq Mahmudov sərxoş vəziyyətdə evə gələrək həyat yoldaşı, 60 yaşlı Qəndab Mahmudovadan spirt qəbul etmək üçün pul tələb edib. Q. Mahmudova bir neçə dəfə pul olmadığını bildirsə də, həyat yoldaşı buna məhəl qoymayıb. Nəticədə T.Mahmudov həyat yoldaşının üzərinə benzin tökərək onu yandırıb. Digər ailə üzvlərinin müdaxiləsi ilə Q. Mahmudova təcilli xəstəxanaya çatdırılıb. Onun vəziyyəti ağır qiymətləndirilir.

Polis əməkdaşlarının həyata keçirdiyi əməliyyat tədbirləri nəticəsində hadisəni törədən T.Mahmudov saxlanılıb.

Faktla bağlı cinayət işi başlanıb, istintaq gedir. LENT.AZ

Facebook Şərhləndirmə:

Şərhinizi yazın