Menu
Geri İrəli

Yaxın üç gün ərzində ölkədə hava şəraiti pisləşəcək – XƏBƏRDARLIQ

Müəllif: Sumqayitxeber.com • Tarix: 30 Avqust 2015 • Baxış sayı: 481 dəfə • Şərh yoxdur
Share Button

hava nece olacaqTemperatur 5 dərəcə aşağı enəcək.

Avqustun 30-da Azərbaycanda havanın dəyişkən buludlu, əsasən yağmursuz olacağı gözlənilir.

Bu barədə Oxu.Az-a Ekologiya və Təbii Sərvətlər Nazirliyinin Milli Hidrometeorologiya Departamentindən bildiriblər.

Məlumata görə, şimal-qərb küləyi gündüz mülayim cənub-şərq  küləyi ilə əvəz olunacaq.

Havanın temperaturu Abşeron yarımadasında gecə 19-22, gündüz 26-30, Bakıda gecə 20-22, gündüz 28-30 dərəcə isti olacaq.

Atmosfer  təzyiqi 764 mm civə sütunundan 760 mm civə sütununa enəcək. Nisbi rütubət gecə 70-80, gündüz 50-60 faiz təşkil edəcək.

Abşeron çimərliklərində dəniz suyunun temperaturu: Sumqayıt, Novxanı, Pirşağı, Nardaran, Bilgəhdə 23-24, Zaqulba, Buzovna, Mərdəkan, Şüvəlanda 24-25, Türkan, Hövsan, Şıx, Sahildə 25-26 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin axşam və gecə bəzi dağlıq və dağətəyi rayonlarda şimşək çaxacağı, arabir yağış yağacağı gözlənilir. Səhər ayrı-ayrı yerlərdə duman olacaq. Şərq küləyi əsəcək, arabir güclənəcək.

Havanın temperaturu gecə 19-24, gündüz 27-32, dağlarda gecə 8-13, gündüz 15-20 dərəcə isti olacaq.

Avqustun 31-i gündüz şimal və qərb rayonlarından başlayaraq sentyabrın 02-dək ölkə ərazisində hava şəraitinin qeyri-sabit keçəcəyi, şimşək çaxacağı, arabir yağış yağacağı gözlənilir.

Temperatur sentyabrın 1-də ötən günlə müqayisədə 3-5 dərəcə aşağı enəcək.

Facebook Şərhləndirmə:
Share Button

Şərhinizi yazın