Menu
Geri İrəli

Dövlət Komitəsi: Sumqayıtda yanğın baş verən yataqxanada mənzillərin təmirinə başlanıb

Müəllif: sumqayitxeber.com • Tarix: 9 Avqust 2017 • Baxış sayı: 405 dəfə • Şərh yoxdur

411366825Avqustun 5-də Sumqayıt Dövlət Universitetinin ərazisində yerləşən 5 mərtəbəli yataqxanada baş verən yanğın nəticəsində zərər dəymiş mənzillərin bərpasına başlanıb.

Qaçqınların və Məcburi Köçkünlərin İşləri üzrə Dövlət Komitəsinin mətbuat xidmətinin rəhbəri Elçin Qədimovun APA-ya verdiyi məlumata görə, yanğın nəticəsində yataqxanada məcburi köçkünlərin yaşadığı 22 mənzilə ziyan dəyib.

Artıq mənzillərin təmirinə başlanıb və mənzillərin qısa müddətdə təmirinin başa çatdırılması üçün iş aparılır: “Mənzillərin təmirinə 3 briqada cəlb olunub. Həmin mənzillər yüksək səviyyədə təmir edilərək məcburi köçkün ailələrə təqdim olunacaq”.

Qeyd edək ki, Sumqayıt Dövlət Universitetinin ərazisində yerləşən yataqxanada 1993-cü ildən qaçqın və məcburi köçkünlər məskunlaşıb. Yanğın nəticəsində mənzillərinə ziyan dəymiş bəzi vətəndaşlar üçün avqustun 6-da Fövqəladə Hallar Nazirliyinin Mülki Müdafiə Qoşunları tərəfindən 30 çadırın quraşdırılmasına başlanılıb.

Facebook Şərhləndirmə:

Şərhinizi yazın