Menu
Geri İrəli

Daha hansı qurumlar ləğv edilə bilər?

Müəllif: sumqayitxeber.com • Tarix: 13 Fevral 2017 • Baxış sayı: 457 dəfə • Şərh yoxdur

vuqarİqtisadi və sosial inkişaf mərkəzi Azərbaycanda daha bir neçə qurumun ləğv edilməsi ilə bağlı təkliflər verib.

Bu barədə qurumun rəhbəri Vüqar Bayramov sosial şəbəkədə yazıb. Onun sözlərinə görə, mərkəz “Azərsu”, Meliorasiya və Su Təsərrüfatı səhmdar cəmiyyətlərinin ləğv edilməsi, onların bazasında Dövlət Su Agentliyinin yaradılmasını, Dövlət Gömrük Komitəsinin ləğv edilməsi və ayrıca idarə kimi Vergilər Nazirliyinin tərkibində fəaliyyət göstərməsini, İqtisadiyyat və Sənaye Nazirliyinin tərkibindəki Antiinhisar Departamentinin nazirlikdən ayrılması, onun bazasında Rəqabətin Müdafiəsi Agentliyinin yaradılmasını, Energetika Nazirliyinin ləğv edilməsi və funksiyalarının bir qisminin Neft Şirkətinə, digər qismininsə İqtisadiyyat və Sənaye nazirliyinə verilməsini (bu nazirliyin bazasında Yanacaq Energetika Departamentinin yaradılması) və digər islahatların aparılmasını təklif edir.

V. Bayramov həmçinin əlavə edib ki, Nəqliyyat Nazirliyinin ləğvi gözlənilən idi:

“Son illər sözügedən nazirliyin səlahiyyətləri mərhələli şəkildə müxtəlif dövlət qurumları arasında paylaşdırılmışdı. Nəqliyyat Nazirliyinin ləğv edilərək məhz Rabitə və Yüksək Texnologiyalar Nazirliyinə birləşdirilməsi beynəlxalq praktikaya uyğun atılan addımdır. Finlandiya, Avstriya, Norveç, Almaniya (Nəqliyyat və Digital İnfrastruktur formasında), Bolqarıstan, Makidoniya, Kipr, Türkiyə, Andorra, Çili, Peru, İsveçrə (federal department formasında), Latviya, Bosniya və Herseqovina, Qətər, Oman, Myanmar və bir sıra ölkələrdə nazirliklər bu və ya oxşar adlar ilə fəaliyyət göstərirlər”. qafqazinfo.az

Facebook Şərhləndirmə:

Şərhinizi yazın