Menu
Geri İrəli

Sumqayıtın millət vəkilləri cəbhə bölgəsində əsgərlərlə bir arada – FOTOLAR

Müəllif: sumqayitxeber.com • Tarix: 21 İyun 2016 • Baxış sayı: 2,001 dəfə • Şərh yoxdur

26 iyun – Azərbaycan Respublikası Silahlı Qüvvələri günü ərəfəsində “Azərikimya” İstehsalat Birliyinin əməkdaşları sərhədyanı bölgələrimizdə xidmət edən əsgərlərə baş çəkmək, onlarla söhbətləşmək və bayram sovqatları təqdim etməklə onların yüksək əhval-ruhiyyəsinə, sarsılmaz döyüş əzminə daha bir xoş əhval-ruhiyyə əlavə etmək məqsədilə Ağdam rayonundakı N saylı hərbi hissəyə səfər ediblər.

13512240_1136343309722267_4645403502195453583_n

Milli Məclisin deputatları Muxtar Babayev, Tahir Mirkişili, Mirzəcan Xəlilov və ictimaiyyət nümayəndələri öncə əsgərlərin kazarmalarına baş çəkərək, onların məişət şəraitləri ilə tanış olublar. Məişət binalarındakı təmizlik, səliqə-səhman, əsgərlərimiz üçün yaradılmış yüksək şərait dövlətimizin ordumuza göstərdiyi diqqət və qayğının yüksək səviyyədə olmasından xəbər verirdi.

Tədbirin rəsmi hissəsində çıxış edən natiqlər Silahlı Qüvvələr günü münasibətilə zabit, gizir və əsgərləri təbrik edərək, onlara xalqımıza tezliklə qələbə sevinci bəxş etmələrini diləyiblər. Qeyd olunub ki, son dövrlər cəbhə bölgəsində baş verən hadisələr, Ermənistan ordusunun təxribat xarakterli hücumları zamanı düşmənə göstərilən müqavimət, verilən qəti və kəskin cavablar Azərbaycanın güclü və qüdrətli orduya malik olmasını sözdə deyil, əməldə sübut edib. Düşmən tərəfin bu namərdliyinə verilən layiqli cavab Azərbaycan Ordusunun yüksək əhval-ruhiyyədə və qələbə əzmində, həmçinin xalqla hakimiyyətin, xalqla ordunun bir yerdə olduğunu, eyni amal uğrunda əl-ələ verərək sıx birləşdiyini, ən əsası isə milli ruhun oyaq olmasının bariz nümunəsini ortaya qoymuş oldu. Bu da bir daha onu göstərir ki, Azərbaycan öz torpaqlarını istənilən vaxt hərbi yolla işğalçılardan azad etmək üçün həm hərbi potensiala, həm də güclü iradəyə sahibdir.

Tədbirin bədii hissəsində əsgərlərə “Kimyaçı” Mədəniyyət sarayının solistlərinin, incəsənət ustalarının, bədii qiraətçilərin ifasında bir-birindən maraqlı, vətənpərvərlik ruhlu mahnılar və şeirlər təqdim olunub, şən və oynaq musiqi sədaları altında nümayəndə heyətinin bütün üzvləri əsgərlərimizlə birgə rəqs ediblər. Tədbirdə həmçinin kimyaçıların ailə üzvlərinin əsgərlərə ünvanladığı çoxsaylı məktublardan sətirlər səsləndirilib. Kimyaçıların gətirdikləri bayram sovqatları hərbi hissəyə təqdim olunub.

N saylı hərbi hissənin komandanlığı göstərilən diqqət və qayğıya və bayram günündə onlarla birlikdə olduqlarına görə SOCAR rəhbərliyinə, o cümlədən kimyaçılara və Sumqayıt ictimaiyyətinin nümayəndələrinə şəxsi heyət adından minnətdarlığını bildirib.

Sonda əsgər yeməkxanasında əsgərlərlə birlikdə nahar edilib.

13442386_1136343223055609_3332776835912857013_n 13445568_1136343273055604_8676929429866606858_n 13445646_1136343029722295_2348508505575353908_n 13445695_1136343379722260_8554461987057813242_n 13445728_1136342913055640_1381448057322478090_n 13445753_1136343723055559_788683698596367391_n 13450028_1136342803055651_2781402292623559811_n 13466439_1136343559722242_866669652618372663_n 13466489_1136343636388901_2362945817133682389_n 13495023_1136343076388957_9210720510943926493_n 13495034_1136343503055581_6787199131092682269_n 13495079_1136343589722239_5097752842324453962_n 13495220_1136342859722312_4418352654022293541_n 13501579_1136343173055614_5879296572840583369_n 13501806_1136343713055560_2324876975666710931_n 13512222_1136342936388971_5283070859766071086_n
13516422_1136342843055647_3057756569481776145_n 13516574_1136343423055589_3155210974102557749_n

 

Facebook Şərhləndirmə:

Şərhinizi yazın