Menu
Geri İrəli

Sumqayıtda Beynəlxalq Əlillər Günü qeyd edilib

Müəllif: sumqayitxeber.com • Tarix: 5 Dekabr 2016 • Baxış sayı: 742 dəfə • Şərh yoxdur

14807771315913250524_1000x669Sumqayıtda 3 Dekabr – Beynəlxalq Əlillər Günü qeyd olunub.

AZƏRTAC xəbər verir ki, bu münasibətlə keçirilən tədbiri açan Sumqayıt Şəhər İcra Hakimiyyəti başçısının müavini Teymur Səmədov ölkəmizdə əlillərin sosial müdafiəsi ilə bağlı həyata keçirilən genişmiqyaslı tədbirlərin əsasının ümummilli lider Heydər Əliyev tərəfindən qoyulduğunu bildirib. Qeyd olunub ki, insan amilini xüsusi diqqətdə saxlayan Ulu Öndərin Azərbaycana rəhbərliyi dövründə əlillərin sosial müdafiəsi ildən-ilə gücləndirilib. Ölkədə əlillərin sosial müdafiəsi ilə bağlı hazırlanan Dövlət Proqramında əlilliyin qarşısının alınması, onların reabilitasiyası və sosial müdafiəsi haqqında qanunun bütün müddəaları öz əksini tapıb.

T.Səmədov vurğulayıb ki, əlillərin, şəhid ailələrinin və müharibə veteranlarının sosial müdafiəsi Prezident İlham Əliyevin də daim diqqət mərkəzindədir. Dövlətimizin başçısının əhalinin sosial problemlərinin həllinə xüsusi qayğısı əlillərin həyat şəraitinin yaxşılaşmasına, onların ictimai hüquqlarının bərpasına şərait yaradıb.

Daha sonra Qarabağ Müharibəsi Əlilləri, Veteranları və Şəhid Ailələri İctimai Birliyinin Sumqayıt şəhər filialının sədri Tərlan Hacızadə çıxış edərək Prezidenti İlham Əliyevin əlillərə göstərdiyi diqqət və qayğıdan danışıb, bu istiqamətdə Sumqayıt şəhərində görülən işlər və həyata keçirilən tədbirlər barədə məlumat verib.

Tədbir bədii özfəaliyyət kollektivlərinin konsert proqramı ilə süfrə arxasında davam edib.

15302544_1293967070666449_1237475974_o 15310514_1293967300666426_449994392_n 15319493_1293967313999758_1688637225_n 15320425_1293967290666427_892741725_n

Facebook Şərhləndirmə:

Şərhinizi yazın